Jaden Smith ndodhet në Francë dhe mori pjesë në sezonin e 9-të të ‘Yeezy Show’ në ‘Javën e Modës’ në Paris. Megjithatë, me të parë bluzën e Kanye West ‘White Lives Matter’, ai vendosi të largohej: “Nuk më intereson kush është, nëse nuk e ndjej mesazhin, jam jashtë”.
Vendimi i Kanye West për të veshur një bluzë ku shkruhej “White Lives Matter” (një kundërpërgjigje ndaj sloganit “Black Lives Matter”) është kritikuar pothuajse nga të gjithë. Megjithatë nuk është hera e parë që ai ka incidente në lidhje me komunitetin me ngjyrë, si në vitin 2018 kur ai deklaroi se “400 vite skllavëri ishte një zgjedhje”. Reperi mirëpriti të pranishmit në sfilatën e tij me një fjalim: “Unë jam Ye, dhe të gjithë këtu e dinë që unë jam lideri. Ju nuk mund të më menaxhoni”.
Jaden Smith u largua gjatë fjalës hapëse të Kanye. Në atë që u konsiderua si një përgjigje ndaj asaj deklarate, Jaden Smith shkroi në Twitter: “Udhëheqësit e vërtetë udhëheqin”.
Djali i Will Smith vazhdoi të shpjegonte vendimin e tij për t’u larguar nga YZY SZN9: “Më duhej të zhytesha, Lol”. Ai është një aktivist i njohur për të drejtat civile dhe ishte aktiv në disa marshime në kuadër të “Black Lives Matter” të vitit 2020.
Jaden Smith’s reaction to Kanye West’s White Lives Matter shirt‼️ pic.twitter.com/U2tGgEMm4X
— RapTV (@Rap) October 3, 2022
Jaden Smith përfundoi postimet e tij në Twitter me një mesazh të qartë kundërshtues me atë të Kanye West: “Black Lives Matter”. Shumë përdorues në internet duartrokitën djalin e vogël të Will Smith për vendimin e tij për t’u larguar nga spektakli, në të cilin modelet mbanin gjithashtu sloganin që u komentua aq shumë.
