Zëvendës presidentja e Partisë së Lirisë Erisa Xhixho në një konferencë për shtyp foli për situatën e vështirë me të cilën po përballen shqiptarët.
Sipas saj Shqipëria ka pagën më të ulët në Europë nëse e krahason me fuqinë blerëse.
“Vendi e ka kapacitetin dhe burimet natyrore për t’u bërë një vend i mundur, për të pasur një jetë dinjitoze popullsisë së përgjysmuar nga emigrimi. Ajo që i mungon është vullneti i qeverisë, që e drejton për t’u dhënë qytetarëve mirëqenien që meritojnë”, tha Xhixho.
Më tej në fjalimin e saj ajo thekson se në Shqipëri mungon shteti social pasi qeveria e ka qytetarin të fundit në listën e prioriteteve.
