MrBeast është një nga Youtuber-at më të famshëm në botë, duke qenë se ka edhe numrin më të madh të ndjekësve, teksa së fundmi ai ma postuar në rrjetet sociale nismën e tij për t’i rikthyer shikimin 1000 personave, gjë e cila ka marrë mjaft mbështetje.
Jimmy Donaldson (emri i vërtetë i MrBeast) në videon e publikuar më 29 janar zbuloi se ka bërë të mundur që 1000 njerëz të shohin për herë të parë, teksa shprehet së në fakt gjysma e të gjithë njerëzve të verbër në botë kanë nevojë vetëm për një operacion 10-minutësh dhe këtë ai e ka mundësuar për ta. Në fakt, edhe pse ndërhyrja kirurgjikale është e shkurtër, arsyeja pse personat me probleme me shikimin nuk e bëjnë është prej kostove financiare.
YouTuber-i 24-vjeçar është edhe “personaliteti i internetit” më i pasur në botë dhe kjo nuk është hera e parë që ndihmon njerëzit në nevojë. Por sa ka shpenzuar ai për 1000 njerëzit që ndihmoi? Kostoja e operacioneve varet nga vendet ku janë njerëzit, problemi që kanë dhe kirurgu ku kanë shkuar, megjithatë, duke supozuar një kosto mesatare prej 5000 dollarësh, kostoja në këtë rast do të ishte 5 milion dollarë.
