Ambasadorja e SHBA-ve në Tiranë, Yuri Kim, ka zhvilluar sot një takim me kryeministrin Edi Rama dhe ministrin e Mbrojtjes, Niko Peleshi.
Nëpërmjet një postimi në Twitter, Yuri Kim bën me dije se fokus i takimit ishte bashkëpunimi Shqipëri-SHBA në fushën e sigurisë dhe mbrojtjes.
Yuri Kim u shpreh mirënjohëse dhe krenare për bashkëpunimin e dy vendeve, ndërsa tha se 2022 ishte viti i parë me prani të qëndrueshme të ushtrisë amerikane në Shqipëri.
“Ne mezi presim të punojmë ngushtë me Shqipërinë në vitin 2023 për të siguruar që mbështetja për trajnime dhe pajisje plotëson nevojat, si dhe kërkesat e aftësive dhe ndërveprueshmërisë së NATO-s. Gjithashtu presim me padurim #DefenderEurope2023 . Jemi krenarë që jemi gjithmonë krahperkrah “, shkruan Yuri Kim.
1/2 Thanks PM @ediramaal , Defense Minister @nikopeleshi & Chief of Defense General Kingji for a productive meeting this morning to review historic progress to strengthen 
defense cooperation. 2022 marks the year of the first sustained military presence in .
— Ambassador Yuri Kim (@USAmbAlbania) December 16, 2022
j.l./ dita
