Arkeologët së fundmi kanë shkuar pranë varrit të Kleopatrës dhe Mark nga ku kanë zbuluar një tunel të gdhendur në shkëmb nën tempullin antik të Taposiris Magna të Egjiptit ose “Varri i Madh i Osiris ” në perëndim të Aleksandrisë , Egjipt.
Tuneli ndodhet 13 metra nën tempull dhe është 1.305 kilometra i gjatë dhe 2 metra i lartë. Shkëmbi përshkruhet si një “çudi gjeometrike” e ngjashme me hendekun Eupalinian në Samos, i konsideruar si një nga arritjet më të rëndësishme inxhinierike në botën klasike.
Një nga arkeologët tha se kishte 1% mundësi që mbretëresha të varrosej atje dhe nëse është e vërtetë, do të ishte “zbulimi më i rëndësishëm i shekullit të 21-të”.
Gjatë gërmimeve, arkeologët gjetën një pjesë të tunelit të zhytur nën ujërat e Mesdheut, ndërsa burimet shkencore tregojnë se të paktën 23 tërmete goditën bregdetin egjiptian midis viteve 320 dhe 1303 pas Krishtit. Në të njëjtën kohë janë gjetur vazo, fragmente vazoje dhe një bllok drejtkëndor guri gëlqeror.
Brenda tempullit gjithashtu janë gjetur monedha me imazhe dhe emrat e mbretëreshës Kleopatra, Aleksandrit të Madh dhe statuja të tjera të prera, si dhe statuja të perëndeshës Isis.
