“Do jetë një Shën Valentin historik, do të mbetet gjatë. Është një surprizë që nuk e ka bërë askush në një “Big Brother”, tha Luizi ditë më parë pa zbuluar detaje të mëtejshme.
Luiz Ejlli dhe Kiara Tito do të festojnë sot Shën Valentinin e tyre të parë brenda shtëpisë së “Big Brother VIP”. Duket se do të jetë një mbrëmje e veçantë pasi ka qenë vetë këngëtari Elgit Doda ai i cili ka ‘zbuluar’ këtë surprizë të Luizit nëpërmjet një postimi në InstaStory.
Doda kishte shkruar disa fraza të një kënge dhe në fund thotë: ‘Mbajeni mirë mend këtë tekstin se do ta mësoni përmendësh’.
Dhe për ta ‘konfirmuar’ këtë, postimi i këngëtarit është ripostuar dhe në Instagramin e Luizit, çka mendohet se ky është një tekst i përgatitur nga Elgiti të cilin do e këndojë Luizi dhe është dedikim për Kiarën.
