E keni vënë re besoj se si shpesh ndiheni të lodhur pas një vakti që konsumoni edhe pse prisni që në fakt ushqimi që sapo konsumuat t’ju kthehet në forcë dhe energji për të vazhduar ditën por mesa duhet t’ju nuk keni ditur se ky ndikim vjen nga ajo që zgjidhni të hani për vaktin tuaj.
Po, pikërisht sepse ajo që zgjidhni për të ngrënë në drekë mund të jetë të paktën një faktor kontribues, nëse jo faktori kryesor pas rënies së energjisë. Dhe nëse zgjidhni sanduiçin shumë të thjeshtë, të lehtë dhe popullor për vaktin tuaj, atëherë ndoshta është koha që të filloni ta shmangni nëse dëshironi të jeni më efikas në punë.
Si ndikon buka në energjinë tuaj:
Siç shpjegon Livestrong, nëse sanduiçët po ju bëjnë të ndiheni të plogësht, buka mund t’jua ulë energjinë në më shumë se një mënyra. Si fillim, buka e bardhë mund të rrisë shpejt sheqerin në gjak. Kjo për shkak se disa ushqime kanë atë që njihet si një indeks i lartë glicemik, që do të thotë se ato shpërbëhen nga trupi juaj më shpejt se ushqimet e tjera, duke çuar në atë rritje të shpejtë të sheqerit në gjak.
Dhe siç thekson dietologia klinike Lauryn Lax në Livestrong “buka në përgjithësi rrit sheqerin në gjak, vetëm për ta ulur përsëri pak më vonë për shkak të efektit glicemik në trup”. Kjo rënie e sheqerit në gjak është ajo që mund t’ju bëjë të ndiheni të lodhur.
Përveç indeksit glicemik, megjithatë, buka e bërë nga drithërat si gruri, thekra dhe elbi mund të përmbajnë gjithashtu proteina të njohura si gluten. Dhe sipas Institutit të Shkencës dhe Teknologjisë së Ushqimit, nëse keni sëmundje celiac ose jeni intolerant ndaj glutenit, atëherë ngrënia e ushqimeve që përmbajnë këto proteina jo vetëm që mund të ulin energjinë tuaj, por t’ju bëjnë të ndiheni shumë të lodhur, shpjegon Harvard Health Publishing.
