Presidenti ukrainas Volodymyr Zelensky ka thënë se Rusia po kërkon një armëpushim për ta përdorur si mbulesë për të ndaluar përparimet e Ukrainës në rajonin lindor të Donbasit dhe për të sjellë më shumë njerëz dhe pajisje.
“Ata tani duan t’i përdorin Krishtlindjet si një mbulesë, megjithëse shkurtimisht, për të ndaluar përparimet e djemve tanë në Donbas dhe për të sjellë pajisje, municione dhe trupa të mobilizuara më afër pozicioneve tona”, tha Zelensky në fjalimin e tij të natës, duke folur më shumë në rusisht se sa në gjuhën ukrainase.
“Çfarë do t’u japë atyre? Vetëm një rritje tjetër në humbjet e tyre totale”, tha ai.
Zelensky shtoi se lufta do të përfundojë ose kur ushtarët rusë të largohen ose ukrainasit t’i largojnë ata nga territori i tyre.
