Presidenti ukrainas Vladimir Zelensky tha se hetuesit kishin zbuluar më shumë se 400 krime lufte në zonat e Khersonit të liruara nga forcat ruse.
“Në rajonin e Khersonit, ushtria ruse la pas të njëjtat mizori si në rajonet e tjera të vendit tonë, ku mundi të hynte”, tha Zelensky në fjalimin e tij të natës me video. “Ne do të gjejmë dhe nxjerrim para drejtësisë çdo vrasës. Pa dyshim,” tha ai. Zelenski tha se janë gjetur trupat e civilëve dhe ushtarëve, raporton BBC, duke thënë se ai nuk ishte në gjendje t’i verifikonte këto pretendime.
Moska mohon që trupat e saj kanë shënjestruar qëllimisht civilët. Ndërkohë, autoritetet ukrainase vendosën një shtetrrethim gjatë natës dhe kufizuan udhëtimet brenda dhe jashtë Kherson.
Që nga fillimi i luftës, varreza masive janë gjetur në disa zona, duke përfshirë Buçën, Izjum dhe Mariupol. Ukraina ka akuzuar trupat ruse se qëndrojnë pas krimit. Komisioni i Kombeve të Bashkuara tha muajin e kaluar se krimet e luftës ishin kryer në Ukrainë dhe se forcat ruse ishin përgjegjëse për “shumicën dërrmuese” të shkeljeve të të drejtave të njeriut.
Kherson ishte i vetmi kryeqytet rajonal që Rusia pushtoi që nga fillimi i pushtimit të Ukrainës.
Është strategjikisht i rëndësishëm , sepse kontrollon të vetmen rrugë tokësore për në gadishullin ukrainas të Krimesë, i cili u aneksua nga Rusia, dhe grykën e Dnieper, që ndan Ukrainën.
Në fund të shtatorit, presidenti rus Vladimir Putin festoi aneksimin e Khersonit dhe tre rajoneve të tjera të Ukrainës dhe më pas premtoi se do t’i mbrojë ato në çdo mënyrë të mundshme.
Por qyteti i Khersonit u çlirua nga trupat ukrainase të premten. Turmat e ukrainasve me flamuj pritën ushtarët e Kievit. Zyrtarët u kthyen për të drejtuar administratën e Khersonit pas tërheqjes së rreth 30,000 trupave pushtuese ruse.
