Detektivët shpresojnë të akuzojnë pedofilin Christian B për rrëmbimin dhe vrasjen e Madeleine McCann gjatë fundit të këtij viti. Ngjarja vjen pasi 45-vjeçari është akuzuar për një sulm seksual ndaj një vajze tjetër vetëm disa ditë para se vogëlushja të zhdukej.
Sipas The Sun, lajmi erdhi pasi Christian B u akuzua për një seri krimesh seksuale të pështira në Algarve të Portugalisë, duke përfshirë një ditë para se Madeleine të zhdukej prej andej. Ai dyshohet se sulmoi vajzën e parë shtatë milje nga Praia da Luz i Portugalisë, ku Maddie, atëherë tre vjeç, u zhduk në 2007. Policët e akuzuan gjithashtu për sulmin ndaj katër grave dhe vajzave të tjera.
Autoritetet kanë thënë se ‘përbindëshi’ gjerman i dënuar mbetet i dyshuari kryesor për zhdukjen e Madeleine në vitin 2007. Burimet bënë me dije se ndaj tij po ngrihet një “çështje konkrete” dhe detektivët po kërkojnë të ngrenë akuza deri në fund të vitit.
Deklarata e policisë gjermane të hënën mbi veprat e reja tha se një urdhër arresti ishte lëshuar kundër Christian B sepse provat e tyre ngritën “nivelin më të lartë të mundshëm të dyshimit”. Dosja kundër tij për pesë akuzat u tha se kishte më shumë se 100 faqe pas “hetimeve shumë intensive dhe të gjera në disa vende evropiane”.
Prokurorët gjermanë zbuluan dje detaje të pesë sulmeve të veçanta që dyshohet se janë kryer nga Christian B përgjatë bregut të pushimeve portugeze midis dhjetorit 2000 dhe qershorit 2017. Ato përfshijnë një sulm ndaj një vajze dhjetëvjeçare vetëm 26 ditë përpara se Madeleine të zhdukej nga Praia da Luz, shtatë milje larg.
Prokurorët kanë akuzuar gjithashtu Christian B, i cili shpesh filmonte krimet e tij të supozuara, për tre përdhunime dhe një sulm tjetër seksual. Ai ndodhet aktualisht në burgun gjerman të Oldenburgut duke vuajtur shtatë vjet për përdhunimin e një gruaje 72-vjeçare në Praia da Luz në shtator 2005.
Zhdukja e tre vjeçares Madeleine nga apartamenti i saj për pushime në katin e parë në Ocean Club të Praia da Luz shkaktoi gjuetinë më të madhe të personave të zhdukur në histori. Policia portugeze u përqendrua te prindërit e saj, të cilët po hanin me miqtë aty pranë duke e lënë vajzën vetëm në dhomë.
Megjithatë, mamaja e shqetësuar Kate, 54 vjeç, dhe bashkëshorti i saj Gerry, 55 vjeç, nga Rothley, Leics, nuk kanë hequr dorë kurrë nga shpresa se ajo mund të gjendet një ditë e gjallë.
