Një shpatë që besohet se i përkiste një kalorësi kryqtar rreth 900 vjet më parë është gjetur nga një zhytës amator në brigjet veriore të Izraelit. Shpata me një teh një metër u zbulua nga Shlomi Katzin dhe iu dorëzua autoriteteve.
Mendohet se shpata ka qenë e mbuluar nga organizmat detarë dhe arriti të dalë në dritë pas zhvendosjes së rërës. Autoriteti Antik i Izraelit (IAA) tha se pasi të pastrohej dhe analizohej, do të ekspozohet për publikun.
“Shpata, e cila është ruajtur në gjendje të përsosur, është një gjetje e bukur dhe e rrallë dhe duket se i përkiste një kalorësi kryqtar,” tha Inspektori i Njësisë për Parandalimin e Grabitjeve të IAA Nir Distelfeld.
“Është emocionuese të hasësh një objekt të tillë personal, duke të çuar 900 vjet mbrapa në kohë në një epokë tjetër, me kalorës, forca të blinduara dhe shpata.”
Kobi Sharvit, i cili drejton Njësinë Arkeologjike Detare të IAA -së, tha se bregdeti Carmel, ku u gjet shpata, ishte një strehë për anijet në kohë stuhish gjatë shekujve të aktivitetit të anijeve përgjatë bregdetit.
“Këto kushte kanë tërhequr anijet tregtare në shekuj, duke lënë pas gjetje të pasura arkeologjike,” tha ai.
Kryqtarët luftuan në një sërë luftërash fetare të njohura si Kryqëzatat, të cilat u sanksionuan nga Kisha Katolike Romake në periudhën mesjetare.
Kryqëzatat më të njohura ishin fushatat në Mesdheun lindor që kishin për qëllim rimëkëmbjen e Tokës së Shenjtë nga sundimi mysliman.
/Burimi: BBC/ Përshtati: Priza.al/
