Flakët po ‘pushtojnë’ me shpejtësi pothuajse të gjitha territoret malore të vendit tonë.
Dy vatra te tjera zjarri janë aktivizuar në rrethin e Krujës, njëra në fshatin Halil dhe tjetra në kodrat e fshatit Arrameras.
Të favorizuara nga era, mësohet se flakët po përhapen me intensitet, duke djegur shkurre e pemë në ato zona.
Momentalisht nuk rrezikohen banesa, por zjarri po përhapet me shpejtësi.
Për shuarjen e flakëve janë angazhuar dy zjarrfikëset e Krujës, të ndihmuara nga një e Kamzës dhe një nga Tirana.
