Riaktivizohet një vatër e rrezikshme zjarri në Lunxhëri të Gjirokastrës. Forcat e PMNZSH Gjirokastër, të mbështetura nga 100 forca ushtarake, janë në terren për të shuar këtë vatër mes fshatrave Qestorat dhe Tranoshishtë.
Sapo është aktivizuar edhe helikopteri i cili deri tani ka kryer 2 inkursione për shuarjen e flakëve.
Në orën 03:30 janë shuar flakët në Kalanë e “Shën Triadës”, ku gjenden antenat e telefonive celulare. Vatra e mësipërme është e vetmja e riaktivizuar deri tani.
Tym dhe flakët kudo! Këto dy fjalë përshkruajnë më së miri çfarë ka ndodhur dje në fshatin Asim Zeneli të Gjirokastrës.
Në pamjet e mëposhtme, duket qartë lufta ndaj zjarrit që kanë zhvilluar forcat e Armatosura, të cilat shkuar menjëherë në terren për shuarjen e flakëve.
Megjithatë, pavarësisht përpjekjeve të tyre, një viktimë u shënuar teksa po përpiqej deri në frymën e fundit që të mbronte shtëpinë e tij nga flakët që po i afroheshin.
/Priza.al/
