Të mërkurën në mbrëmje, një zjarr i madh shpërtheu në Minttutie të Finlandës, ku u shkatërrua tërësisht një shtëpi. Mediat vendase shkruajnë se një shqiptar i quajtur Mergim Halili dhe e fejuara e tij kanë ndihmuar një çift të moshuar të dilnin nga apartamenti dhe të shpëtonin nga zjarri.
Halili, i cili jeton në lagjen ku u dogj shtëpia, tha se ai dhe e dashura e tij ndihmuan që një çift i moshuar të largohej nga objekti. Ai shton se vërejtën tym që dilte nga shtëpia dhe se shkuan për të parë situatën. Ndërsa zjarri po përshkallëzonte, ata vendosën që të shikojnë nëse ka mbetur ndonjë njeri dhe trokitën në derë dhe i ranë ziles. “Të moshuarit hapën derën. Ata nuk e dinin se kishte rënë zjarri”, shprehet Halili.
Banorët e lagjes thanë se të rinjtë ofruan ndihmë për personat që ndodheshin në shtëpi para se të arrinin zjarrfikësit. Ndërkohë, kalimtarët e tjerë përplasën dyert dhe dritaret e shtëpive me tarraca për t’u siguruar që nuk kishte më njerëz në apartamente.
Dëshmitari okular Albi thotë se disa nga banorët ishin larguar tashmë, por ai dhe dy burra të tjerë të pranishëm vazhduan kërkimin. Fqinjët ndihmonin njerëzit që kishin humbur shtëpitë e tyre dhe u siguronin atyre strehim. Shefi i brigadës së zjarrfikësve në detyrë në Departamentin Qendror të Shpëtimit Uusimaa nuk ishte në gjendje të thoshte arsyen e zjarrit.
/Burimi Helsing Sanomat/përshtati në shqip Priza.al/
