Nëntë skiatorë u përfshinë nga një ortek në Alpet zvicerane të shtunën, por pësuan vetëm lëndime të lehta, sipas policisë. Skiatorët u lokalizuan nga ekipet e shpëtimit dhe u dërguan me avion në spital.
Orteku u formua pranë majës së malit Alfubel (4206 m) në pjesën jugperëndimore të kantonit Valais, afër kufirit italian. Vendndodhja është afër malit ikonik Matterhorn dhe vendpushimit të skive të Zermatt.
Një zëdhënës i policisë tha se 16 persona ndodheshin në zonë në momentin e ortekut dhe se të gjithë u evakuuan në mënyrë të sigurt.
Nëntë prej tyre u transportuan me avion në spitalet në Visp dhe Sion. Tre prej tyre kanë dalë nga spitali pasi kanë marrë ndihmën e parë, ndërsa gjashtë të tjerët janë ende të shtruar në spital.
“Kanë pasur shumë fat, mund të thuash kështu”, ka komentuar zëdhënësi i policisë.
Shtatë turistë të tjerë u evakuuan me helikopter pa asnjë lëndim. Në gjashtë muajt e fundit, 15 persona kanë humbur jetën nga ortekët në Zvicër, ndërsa ende nuk dihet fati i njërit.
