Chelsea duket se po bën një revolucion të vërtetë këtë sezon në sulm. Pas largimit të Romelu Lukakut, i radhës që lë Londrën është Timo Werner.
Sulmuesi do të firmosë për skuadrën e Leipzig. Nuk ka më aspak dyshime, pasi vetë klubi i Chelseat ka njoftuar gjithçka në rrjetet sociale.
26 vjeçari nuk është një emër i panjohur për skuadrën e Bundesligës, pasi për Leipzig ka luajtur jo pak por 4 sezone.
Ky largim nga blutë e Londrës është një lajm i mirë për sulmuesin kuqezi Armando Broja, i cili do ketë më shumë mundësi për t’u aktivizuar nga trajneri Tuchel.
