Liga më e fortë e basketbollit në botë – NBA, ka legalizuar konsumimin e marihuanës për lojtarët, që do të thotë se nuk do t’i nënshtrohen testimeve për këtë substancë narkotike, ka bërë të ditur Adrian Wojnarowski.
Liga e NBA nuk e konsideron më marihuanën substancë ilegale, kurse Sindikata e lojtarëve (NBPA), i ka konfirmuar gazetarit amerikan që liga e NBA-së nuk do të kërkoj testimin e lojtarëve për konsum të marihuanës, që do të thotë se atyre tani do t’ju lejohet pa problem konsumi i saj.
Është e qartë, që pas kësaj jo të gjitha substancat tjera narkotike do të lejohen, e sipas Wojnarowskit do të vazhdojnë testimet me qëllim që të sigurohen që mos të ketë lojtarë që përdorin steroide dhe narkotikë tjerë.
Players won’t be subject to random tests for marijuana this season, according to @NBPA memo shared w/ players and obtained by ESPN. That’s been adjusted policy thru Orlando restart and 2020-‘21 season. Testing continues for “drugs of abuse and performance enhancing substances.”
— Adrian Wojnarowski (@wojespn) October 6, 2021
“Kemi arritur marrëveshje me Sindikatën e lojtarëve që të zgjasim afatin kohor të testimit për marihuanë edhe gjatë sezonit 2021-2022, kurse programin tonë do ta fokusojmë në prodhimet që përmirësojnë performancën dhe drogat”, ka deklaruar zëdhënësi i ligës NBA, Mike Bass.
Dekriminalizimi i marihuanës gjatë këtij viti është tema kryesore e qeverisë amerikane gjatë takimeve të ndryshme, e mediat e atjeshme raportojnë që vrapuesja Sha’Carri Richardson është larguar nga lista e pjesëmarrësve në Lojërat Olimpike, pikërisht pasi rezultoi pozitive në testin e marihuanës.
