Një ngjarje e rëndë ka ndodhur në Greqi, ku një i burgosur shqiptar është dhunuar barbarisht nga 4 efektivë policie.
Ngjarja ka ndodhur në momentin kur 33-vjeçari shqiptar, i dënuar për drogë, po transferohej nga burgu i Selanikut në Athinë.
“Mega” ka publikuar foto që dëshmojnë dhunën barbare ndaj tij, ndërsa mes lotësh ka folur motra e tij. Ajo tha se vëllain e kanë dhunuar brenda në makinë teksa transferohej, por dhe në momentin që e kanë zbritur, para syve të prindërve të tij.
“O ma më shpëto se po më vrasin”, këto ishin fjalët e tij thotë e motra.
Po ashtu sipas mediave greke, thuhet se babi i shqiptarit ka deklaruar se një efektiv policie i ka thënë se “djalin do ta marrësh në arkivol”.
“I kishin vënë një helmetë në kokë, në makinë ia hoqën dhe e rrahën dhe aty para se ta dorëzonin. Ai është rrahur në sy të prindërve të tij që kishin shkuar për vizitë dhe disa i thanë babait “do ta merrni fëmijën tuaj me arkivol”, tha motra e tij.
